Sithum Rala(සිතුම් රළ) by Shamal De Silva

 

කබඩ්ඩුවකින්   ගත්   ඉල්ලුම්   පත්‍රයක්   ඈ  රුවනි   වෙත  පෑවාය.   රුවනි  අත්  බෑගය  හැර  පෑන සොයන්නට ගත්තාය. මොහොතකින් බියන්කා සිය කමිස  සාක්කුවේ  තිබුණු  පෑන  ගෙන  මේසය  මතට දැමුවාය. ස්තූති පූර්වකව හිනැහුණු රුවනි එය ගෙන ඉල්ලුම් පත්‍රය පුරවන්නට ගත්තාය.  බියන්කා  පුටුවේ පත්තට  බරදී  හිඳ  දෙඅත්  හිස  පිටුපසට  තබා  වම්  කකුල  පද්දවමින්   රවැනි   දෙස   බලා   සිටියාය.           “ඔයා   මැරි   කරලා  ද?”           “ඔව්...  හැබැයි   දැන්  ඩිවෝස්  එක   ගන්නයි  හදන්නේ.”           බියන්කා   යටැසින්  රුවනි  දෙස   බලා   හිනැහී  ගෙන  සිටි...

This is my new novel, Arunata Mal, published by S. Godage Brothers available now island wide in Sri Lanka. Enjoy an excerpt below(click on the images to see a larger version):

මම නැවතත් දෙතොල්පට දිවඟ උණුසුමින් තෙත් කර ගත්තෙමි. කරදිය සුළඟ වැදී තැවරුණු ලුණු රසය පමණක් මගේ දිවට දැනුණි. වීදුරුව වෙතටම බරවූ හිසින් එය හිස් කරමින් සිටි කෙවින්, හිස ඉහළට ඔසවා සියල්ල බී අවසන් කළේය. “අපි යමු.” සිය සාක්කුවෙන් ඇද ගත් මුදලක් මේසය මත තබමින් කෙවින් නැගී සිටියේය. “අනේ කෙවින්......”  මම ඔහු ඉදිරියට පැමිණ දෑතින්ම ඔහුගේ අතක් අල්ලා ගත්තෙමි. “අපි යමු ඩිලී.” දෙඅත් හකුළා ගත් මම ඔහු පසුපසින් වෑන් රථය වෙත පියවර මැන්නෙමි. මාවත අද්දර වෙරළ වැසි සුළගේ කැළඹී දිය රළ පොළොවේ ගසමින් හඬ නැඟුවේය. අඳුරෙන් වැසුණු අහස ඉරා සයුරින් විදුලි රේඛා ඉහළට ඇදෙමින් තිබුණි. තව මොහොතකින් කඩා වැටෙන්නට ආසන්න වූ වැස්ස මුළු රාත්‍රියම ගිල ගන්නා බව මම දැන සිටියෙමි. මා වෙත දොරටුව විවර කළ ඔහු, රියදුරු අසුන වෙත ගොස් හිඳ ගත්තේය. වෑන් රථයට ගොඩවූ මම ඔහුගේ වත දෙස නිහඬව බලා සිටියෙමි. “ඔයා බැඳපු ගෑනියෙක් නේද ....? ඔච්චර දෙයක් තේරෙන්නේ නැද්ද...?” එක විටම විදුලියක් හා එක් වුණු අකුණු සැරක් අහසේ පුපුරා ගියේය. මම දෝතින් කන් වසා ගත්තෙමි. හඬ නංවමින් රථයේ දොර වසා දැමූ ඔහු, ආපස්සට ගත් රිය වේගයෙන් කරකවා ඉදිරියට හැරෙව්වේය. මම ඔහු ...